[tago]

huling nakita:
kasama ang mga kaibigan sa dyip
[paandar. paalis.]

sieteng pamasaheng dinukot
isang celfone na nahulog
[iglap...saklap!]

'sino? ano?' hindi nakakibo
nang makita ang nakahandusay doon
[bilis! takbo!]

isa lamang ang nasa isipan --
kailangang mailigtas, walang pero-pero
[kalma. gising...]

kailangan maging matatag
may panahon para ipakita ang naramdaman
[lapit. buntung-hininga.]

'gising lang a. wag matutulog.'
dahan-dahang naisambit
[nginig. pikit.]


mga tanong na di masagot ng deretso
mga taong nakiki-usyoso
katawang walang maramdaman kundi
ang malamig na semento at pawis sa noo
pusong bumibilis ang tibok sa bawat segundong...
...lumilipas

[nasaan? ano?]

dumating ang tulong
unti
unti


lumayo


...di na mapigilan ang nararamdaman

___________________

19august09

kailangan kong mapigilan ang naramdamang kaba..

takot..

hindi ko ito pwedeng ipakita..

para sa kapakanan niya.

ang hirap...

Kuya Kevin, pagaling ka na a!

-ara.janelle